Муус устар 25 күнүгэр «Прямая линия» биэриигэ Ил Дархан Айсен Николаев ыйытыыларга хоруйдуоҕа

Саха Өрөспүүбүлүкэтин күнүн көрсө, муус устар 25 күнүгэр, Ил Дархан Айсен Николаев «Прямая линия» биэриигэ Саха сирин олохтоохторун ыйытыыларыгар хоруйдуоҕа. Быһа холбонуу 19:00 чааска саҕаланыаҕа. Ол туһунан регион салалтатын пресс-сулууспата иһитиннэрдэ.

Быһа эпииргэ Айсен Николаев дьон ыйытыыларыгар эппиэттиэҕэ, өрөспүүбүлүкэ сайдыытыгар тирээн турар уонна тосхолго тиэмэлэригэр, сүрүн соруктарга быһаарыылары биэриэҕэ.

«НВК Саха», «Якутия 24», «Россия 24», «Тэтим» араадьыйа, «Радио России», «Виктория Саха», «СТВ-радио» ханаалларга уонна социальнай ситимнэргэ холбонуулар буолуохтара.

Элбэх ханааллаах 8-800-707-43-33 ыйытыылары ылыахтара, эрийэн кэлии босхо. Колл-киин күн аайы 09:00 — 18:00 чааска үлэлиир. Маны сэргэ Телеграм чат-ботугар эмиэ суруйан биэриэххэ сөп.

Читайте дальше