Автодорожная уулусса Михаил Николаев аатынан проспект буоларын туһунан информация судаарыстыбаннай аадырыс реестрыгар эбийиэктэр ураты нүөмэрдэрин хаалларан туран киллэрилиннэ. Ол туһунан Дьокуускай куорат дьаһалтата эттэ.
Уулусса аата уларыйбытын кэннэ, бу аадырыска олорор киһи докумуона, ол иһигэр пааспарыгар регистрацията юридическай күүһэ оннунан хаалар. Ол эбэтэр прописканы уларытар ирдэммэт, киһи бэйэтэ баҕарар буоллаҕына уларыттарыан сөп.
Босуобуйа уонна биэнсийэ ылыытыгар аадырыс аата уларыйбыта оруолу оонньообот. РФ президенин быыбарыгар куоластааһыҥҥа кыттыыга эмиэ.
Массыыналаах дьон УГИБДД-га сайабылыанньа суруйан тырааныспаргыт регистрациятыгар уонна пааспарыгар уларыттарыы киллэриэхтээххит. Булт саатыгар эмиэ докумуону уларыттарыахха наада, 14 хонун иһигэр сайаапка түһэрэн. «Госуслуги» портал нөҥүө ол оҥоһуллар.
Хамсаабат баайы-дуолу атыылыырга, холобур, сибидиэнньэни Биир кэлим судаарыстыбаннай реестрга киллэриллэр. Бу босхо оҥоһуллар.
Дьиэлэргэ аадырыс табличкаларын Дьокуускай дьаһалтата оҥорторор. Мэрияҕа чуолкайдаабыттарынан, бу үлэ 2024 сыл бастакы кыбаарталыгар ыытыллар.
Хаартыска Ясиа саайта
Эрэдээксийэ