Соторутааҕыта Томтордооҕу кыраайы үөрэтэр түмэлгэ «Дойдум дьоно» диэн бырайыак чэрчитинэн кыраайы үөрэтээччи, Өймөкөөн улууһун бочуоттаах олохтооҕо, «Историческая память» уопсастыбаннай тэрилтэ Өймөкөөн улууһунааҕы салаатын бэрэссэдээтэлэ Тамара Васильева суруйбут кинигэлэрин тула кэпсэтии тэрилиннэ.
Бу күн мусуой улахан балаҕаныгар толору киһи мустан, олус сэргэх тэрээһин буолла. Киэҥ ис хоһоонноох, дириҥ суолталаах көрсүһүү олус иһирэхтик, ыалдьытымсах ыаллар дьиэлэригэр курдук налыччы, тиэтэйбэккэ ааста, бары санаабытын ирэ-хоро үллэһиннибит.
2005 с. Тамара Егоровнаны аан бастаан, маҥнайгы тахсыбыт кинигэтэ сүрэхтэнэригэр Уус-Ньара «Металлург» култуура дьиэтигэр көрбүтүм уонна кини тустаах үлэтиттэн быыс булан атын дьарыктааҕын олус сэргээбитим. Онтон Өймөкөөҥҥө «турист», «туризм» диэн тыллары олоҕурдан ылсан үлэлээн эрдэҕинэ, дьиэтигэр-уотугар тиийэн тылын-өһүн истэн сөхпүтүм. Бу кыра дэриэбинэттэн тахсыбыт саха дьахтара өйө-санаата күүһүнэн, ылсыбытын ситэрэн-оһорон иһэринэн сөхтөрөр, үлэтэ сырыы аайы түмүктээх буолара олус кэрэхсэбиллээх. Кини Өймөкөөн Тымныы полюһун быьыытынан киэнник аатырарыгар улахан сыратын биэрбит, тас дойдулар араҥаларыгар таһаарбыт ытык киһибитинэн буолар.
Бу туһунан сиһилии «Хотугу сардаҥа» хаһыакка ааҕыҥ
Марианна ТАРКОВА,
СӨ Агропромышленнай комплексын бочуоттаах үлэһитэ, Томтор