Эһигини Аҕам саастаах дьон аан дойдутааҕы күнүнэн итиитик-истиҥник эҕэрдэлиибин!
Бүгүн бэйэлэрин харыстаабакка сыралаахтык үлэлээн, Тымныы полюһунан аатырар ытык Өймөкөөн улууһа сайдыытыгар дьоһуннаах кылааттарын киллэрбит дьоммутугар дириҥ убаастабылбытын биллэрэбит. Аныгы кэмҥэ эһиги муспут уопуккут хаһааҥҥытааҕар да ордук сыаналаах. Эһиги бэйэҕит холобургутунан ыччаты үлэҕэ угуйаҕыт, төрөөбүт дойдуга тапталга уһуйаҕыт.
Биһиги ытык иэспит – саастаах көлүөнэҕэ дьоһун олоҕу хааччыйыы. Аҕа көлүөнэ дьоммутугар дойдубут чэчирии сайдарын туһугар кыһамньыларын иһин ис сүрэхпиттэн махтанабын. Чэгиэн доруобуйаны, уһун үйэни, дьолу-соргуну баҕарабын. Оҕолоргут, сиэннэргит эһигини куруутун саҥа ситиһиилэринэн үөрдэ сырыттыннар, бу күн үтүө санаанан, тапталынан, эйэнэн туоллун!
“Өймөкөөн улууһа” МТ баһылыгын э.т. Александр ИВАНОВ.