Балаҕан ыйын 8 күнүгэр Халыма-Индигирдээҕи биир мандааттаах 34 № -дээх быыбардыыр уокуругуттан Ил Түмэн сэттис ыҥырыытыгар норуот дьокутаатын эбии быыбардааһына ыытыллыаҕа.
Бэс ыйын 8 күнүттэн хандьыдааттар бэйэлэрин туруорунуулара (самовыдвижение) уонна хандьыдааттары быыбардыыр холбоһуктар туруоруулара (выдвижение) саҕаламмыта.
Бу күннэргэ эбии быыбарга кыттарга кандидаттарын туруордулар:
— “Биир ньыгыл Россия” политическай партия кандидатынан — Слепцов Евгений Михайловиһы, 1969 с.т. ;
— ЛДПР политическай партия кандидатынан-Макаров Семен Михайловиһы, 1989 с.т.
Онтон кандидаттар резистрацияны барыахтара.
Санаттахха, Халыма-Индигирдээҕи биир мандааттаах быыбардыыр уокурук састаабар биэс улуус Абый, Муома, Орто Халыма, Үөһээ Халыма, Өймөкөөн — киирэллэр. Уокуруктааҕы быыбардыыр хамыыһыйа боломуочуйатын Абыйдааҕы быыбардыыр хамыыһыйа толорор.
Эбии быыбар Саха сиригэр биир кэлим быыбардыыр күн — балаҕан ыйын 8 күнүгэр ыытыллыаҕа.
Редакция