Балаҕан ыйыгар Халыма-Индигирдээҕи биир мандааттаах 34 №-дээх быыбардыыр уокуругуттан Ил Түмэн сэттис ыҥырыытыгар норуот дьокутаатын эбии быыбардааһына ыытыллыаҕа.
Ол туһунан СО Киин быбардыыр хамыыһыйа уурааҕа «Якутия» уонна «Саха сирэ» хаһыаттарга б.д.ь. бэс ыйын 7 күнүгэр таҕыста.
Ол аата бэс ыйын 8 күнүттэн ыла хандьыдааттар бэйэлэрин туруорунуулара (самовыдвижение) уонна хандьыдааттары быыбардыыр холбоһуктар туруоруулара (выдвижение) саҕаланар.
Эбии быыбар ыытылларын туһунан официальнай биллэрии тахсыбыт күнүттэн 30 хонук иһигэр (олохтоох бириэмэнэн 18.00 ч. диэри) хандьыдааттар туруорунуулара көҥүллэнэр. Хандьытааттары эрэгэстиирээссийэлээһиҥҥэ 620 быыбардааччы илии баттааһынын хомуйуу ирдэнэр, ол иһигэр судаарыстыбаннай уонна муниципальнай өҥөлөр биир кэлим порталларын туһанан 124 илии баттааһына киирэр. Уопсайа уокуруктааҕы быыбардыыр хамыыһыйаҕа 682 ордуга суох илии баттааһын түһэриллиэхтээх. Хандьытааттары туруорууга илии баттааһыны ыытарга маннык бэлитиичэскэй баартыйалар киирдилэр: «Биир ньыгыл Арассыыйа», РФКП, «Саҥа дьон», РЛДП, «Сиэрдээх Арассыыйа-Патриоттар-Кырдьык иһин», «Родина», «Арассыыйа хомуньуустара».
Халыма-Индигирдээҕи биир мандааттаах быыбардыыр уокурук састаабар биэс улуус: Абый, Муома, Орто Халыма, Үөһээ Халыма, Өймөкөөн киирэллэр.
Уокуруктааҕы быыбардыыр хамыыһыйа боломуочуйатын Абыйдааҕы быыбардыыр хамыыһыйа толоруоҕа.
Редакция