От ыйын 30 күнүгэр СӨ Киин быыбардыыр хамыыһыйата Ил Дархан дуоһунаһыгар түөрт хандьыдааты бигэргэттэ:
— Айсен Николаев — Ил Дархан эбээһинэһин быстах кэмҥэ толорор, «Биир Ньыгыл Арассыыйа» паартыйаттан.
— Виктор Губарев, Ил Түмэн спикерын солбуйааччыта, КПРФ паартыйаттан.
— Игорь Борисов – ЛОРП салаатын начаалынньыга, “Коммунисты России” паартыйаттан.
— Гаврил Парахин — урбаанньыт, ЛДПР паартыйаттан.
Туһааннаах дастабырыанньаны Айсен Николаев от ыйын 20 күнүгэр туппута. Онтон атын хандьыдааттар дастабырыанньаларын өрөспүүбүлүкэ КБХ-тын салайааччыта Евгений Федоров от ыйын 31 күнүгэр туттарда.
“Саха сирин Ил Дарханын талыы өрөспүүбүлүкэ баартыйаларын олоҕун улаханнык долгутта. Баартыйалар 8 хандьыдааты киллэрбиттэриттэн 4-дэ бигэргэннэ. Атыттар муниципальнай тэриллиилэр баһылыктарыттан уонна былаас бэрэстэбиитэллээх уорганнарын дьокутааттарыттан ирдэнэр 5 % илии батааһынs кыайан хомуйбакка, муниципальнай фильтри ааспатылар”, – диэн Киин быыбардыыр хамыыһыйа бэрэссэдээтэлин солбуйааччы Александр Власов иһитиннэрдэ.
Ирина Петрова