Улуустааҕы «Хотугу сардаҥа» уонна “Северная заря” хаһыаттарга 2024 сылга альтернативнай сурутуу салҕанар.Бүгүн биһиги ыалдьыттарбыт улууспут ытык олохтоохторо, хаһыат бастыҥ доҕотторо, эрэллээх сурутааччылара санааларын үллэстэллэр:
Октябрина Ивановна БУЛДАКОВА, биэнсийэлээх, Өймөкөөн:
- Улууспут сахалыы тылынан тахсар соҕотох хаһыатын “Хотугу сардаҥаны” сөбүлээн суруттарабын. Хаһыаппыт төһө даҕаны кыратык хойутаан кэллэр, биһиги хаһыаппытын олус күүтэбит. Оройуоммутугар буола турар буруолуу сылдьар сонуннарын үөрэ-көтө ааҕабыт. «Хотугу сардаҥа» — биир баар суох доҕорбут-атаспыт буолар.
Афанасий Степанович ГЕРМОГЕНОВ-ГАС, саха суруйааччыта, хаһыат общ.корр. Төрүт:
- Хотугу сардаҥа” улуус хаһыатын куруутун аргыс, доҕор оҥостобун, хаһыаты өрүүтүн долгуйа күүтэбин. «Хотугу сардаҥа” бэйэтэ туспа үгэстэрдээх, баай устуоруйалаах хаһыат.
Акулина Кононовна ЕГОРОВА, Төрүт:
- Мин улуус сахалыы тыллаах хаһыатыгар хас сыл аайы хсөбүлээн суруттарабын, хаһыата суох олох табыллыбаппын. Улууспут бары сонуннарын тапталлаах хаһыаппыттан ааҕан билэбин. Бу хаһыаты биһиги аймахпыт Сергей Егоров- Кэрэспэндиэн Сэргэй төрүттээбитэ. Онон биһиги дьиэ кэргэн бырааппытын ахта-саныы таарыйа хаһыаппытын солбуллубат доҕор оҥостобут.
Ытыктабыллаах Өймөкөөн улууһун олохтоохторо! Улуустааҕы «Хотугу сардаҥа» уонна “Северная заря” хаһыаттарга 2024 сылга альтернативнай сурутуу салҕанар. Тапталлаах хаһыаттаргытыгар сурутарга тиэтэйиҥ! Улууспут сонуннарын биир бастыкынан билиҥ диэн ыҥырабыт!
Ольга СКРЫБЫКИНА