«Абырал» санаторий кылаабынай бырааһа Алёна Иванова бүгүҥҥү брифинг кэмигэр хантараагынан байыаннай сулууспаҕа барааччылар пууннарыгар мэдиссиинискэй хамыыһыйа хайдах үлэлиирин туһунан иһитиннэрдэ, Саха сирэ суруйар.
Пуун бары ирдэнэр тэрилинэн толору хааччыллыылаах. Онон хантараагынан барааччылар доруобуйаларын туругар сөптөөх чинчийии барар. Маны таһынан, манна Доруобуйа харыстабылын министиэристибэтэ тэрийиитинэн тактическай мэдиссиинэҕэ сыһыаннаах үөрэтэр лиэксийэ ыытыллар. Хантараагынан байыаннай сулууспаҕа барааччылар хайаан да мэдиссиинискэй хамыыһыйаны ааһаллар. Алёна Иванова иһитиннэрбитинэн, пууҥҥа терапевка, лорга, невролокка, хирурга, окулиска, биэс бырааска көрдөрөллөр. Анаалыстары туттараллар, ФЛГ түһэллэр. Итини таһынан психологы ааһаллар. Сүүмэрдиир үлэ сарсыарда 9-тан киэһэ 6 чааска диэри барар.
Саха сирэ