Томтор нэһилиэгин тутаах эр бэртэрэ «2-с Бороҕон нэһилиэгэ» МТ дьаһалтатын көҕүлээһининэн үгэс быһыытынан оттук мас кэрдэн киирдилэр.
Ол курдук соторутааҕыта кинилэр анал байыаннай дьайыыга сылдьар уолаттар дьиэ кэргэннэригэр анаан тыаҕа мас кэрдэн бэлэмнээтилэр. Бу дьон ааттарын билиһиннэрэри наадалааҕынан ааҕабыт: Гавриил Дьячков, Айан Дьячков, Павел Кузьмин, Геннадий Дьячков, Константин Ефимов, Степан Скрыбыкин, Василий Винокуров, Анатолий Мергинев, Артур Сивцев, Александр Петров, Айаал Неустроев.
Дьиэ кэргэн, нэһилиэк олоҕо эр киһиттэн улахан тутулуктаах. Биһиги уолаттарбыт, аҕаларбыт туохха барытыгар төһүү күүс буолаллар, ханнык да дьаһалтан туора турбаттар. Кинилэр буолаллар, дурдабыт-хаххабыт, эркин курдук эрэнэр дьоммут.
Айталина Слепцова, Томтор