Утуму салгыыр күндү ыччаттарбыт! «Өймөкөөн улууһа» МТ дьаһалтатын ыччат салаата, “Севернай заря” уонна «Хотугу сардаҥа» хаһыаттар эрэдээксийэлэрэ «Ыччат уонна оттооһун-2024» диэн куйаар ситиминэн ыытыллар онлайн аахсыйаҕа кыттаргытыгар ыҥырабыт.
14-тэн 35-гэр диэри саастаах ыччат дьон от үлэтин түгэннэриттэн түһэрбити нтэриэһинэй хаартыскаларын балаҕан ыйын 15 күнүгэр дылы 89148241627 (ватсап) нүөмэргэ ыытаргытын күүтэбит.
Хаартысканы кытта дьоҕус иһитиннэрии ирдэнэр: ханнык нэһилиэк, биригээдэ (хаһаайыстыба эбэтэр дьиэ кэргэн) буолара, хаартыскаҕа түһэрээччи аата-суола, күнэ-дьыла. Хаартысканы сытыары (горизонтально) түһэриллэр.
Дойдубутуттан, төрөөбүт түөлбэбититтэн, ийэ айылҕабытытан күүс ыла, эти-сиини эрчимирдэ, өбүгэлэрбит алгыстарын иҥэринэн күөх быйаҥтан сомсуохха, кыайыылаахтык оттуохха. Тыа сирин ыччата – саха омук саргыта буоларын умнумуоҕуҥ!
Ыччат – инники күөҥҥэ!
Елена Столярчик, «Өймөкөөн улууһа»
МТ дьаһалтатын ыччат салаатын исписэлииһэ