Соторутааҕыта Нам улууһугар тус уонна хамаанданан бастыыр иһин «Эрчимэн Бэргэн» диэн хапсаҕай күрэхтэһиитэ буолбута. Манна 2007-2008 сыл төрүөх уолаттар Саха сирин араас улуустарыттан хамаанда туруорунан кэлэн күрэхтэстилэр. Уопсайа 130 уол оҕо көбүөргэ күөн көрүстэ.
Өймөкөөн улууһуттан тренер Андрей Стефанчук дьарыктыыр оҕолоруттан хамаанда туруоран, Нам улууһугар тиийэн күрэхтэһэн кэллилэр. Бу оҕолор маннык киэҥ далааһыннаах өрөспүүбүлүкэтээҕи хапсаҕай күрэҕэр бастакы холонуулара буолар.
Уолаттар маннык ыйааһыннарга кииристилэр:
50 кг — Дьулуур Аммосов
55 кг — Максим Посельскай
62 кг — Мирослав Слепцов
70 кг — Давид Атласов
80 кг — Виктор Княжев
80 кг үөһээ — Айсан Громов.
Бу оҕолортон Витя Княжев бэйэтин ыйааһыныгар 2-с миэстэ буолбута кэрэхсэбиллээх.
Андрей Стефанчук Уус-Ньаратааҕы “Чысхаан” Оҕо-спортивнай оскуолатын тренерыгар Дьулустаан Поповка спортсменнары бачча ыраах сиргэ бэйэтин массыынатынан кэлэ-бара илдьэ сылдьыбытыгар барҕа махталын тириэрдэр.
Татталаана Стефанчук, Өймөкөөн