Атырдьах ыйын 21-23 күннэригэр Саха сирин үөрэҕин үлэһиттэрин үгэскэ кубулуйбут Атырдьах ыйынааҕы мунньаҕа ыытыллар. Быйылгы тэрээһин «Воспитание личности в едином образовательном пространстве» диэн сүрүн тиэмэнэн барда.
Улуус педагогтарын бу суолталаах тэрээһиҥҥэ улуустааҕы Үөрэх управлениетын начаалынньыга Дина Фасхутдинова салайан сырытта.
Дэлэгээссийэ састаабыгар улуустааҕы Үөрэх управлениетын салайааччытын солбуйааччы, үөрэхтээһин тэрилтэлэрин биир идэлээхтэрин сойууһун бэрэссэдээтэлэ Татьяна Николаева, Уус-Ньаратааҕы “Пегас” Оҕо киинин дириэктэрэ Наталья Никифорова, П.В. Заболоцкай аатынан Үчүгэй орто оскуолатын дириэктэрэ Валентина Карпова, Н.М. Заболоцкай-Чысхаан аатынан Томтор орто оскуолатын дириэктэрин сүбэһитэ Мария Винокурова, Н.О. Кривошапкин аатынан Өймөкөөн орто оскуолатын дириэктэрин иитэр үлэҕэ солбуйааччыта Матрена Готовцева, Үчүгэй орто оскуолатын технология учуутала Наталья Винокурова, Уус-Ньаратааҕы гимназия социальнай педагога Анастасия Свинобоева, гимназия ОБЖ учуутала Наталья Яцышина киирдилэр.
Биһиги корр.