«Өймөкөөн улууһа» МТ дьаһалтатыгар саҥа эппиэттээх үлэһиттэр ананнылар.
Улуус баһылыгын социальнай боппуруостарга солбуйааччы дуоһунаһыгар Прасковья Егоровна Аммосова ананна.
Өймөкөөн улууһун Өймөкөөн нэһилиэгиттэн төрүттээх. 2005 с. М.К. Аммосов аатынан судаарыстыбаннай университеты бүтэрэн, «Управление в организации» идэтин ылбыта.
Үлэ уопута: Өймөкөөн оройуонун нолуок сулууспатыгар исписэлииһинэн, Уус-Ньара б. кииннэммит бухгалтериятыгар каадыр отделыгар исписэлииһинэн, Өймөкөөн оройуонун социальнай көмүскэл салаатыгар кылаабынай исписэлииһинэн үлэлээбитэ. 2013 сылтан 2024 сылга диэри — Өймөкөөн оройуонун социальнай көмүскэл управлениетын салайааччыта.
Уопсастыбаннай үлэтэ: Өймөкөөн улууһун судаарыстыбаннай тэрилтэлэрин идэлээх сойууһун бэрэссэдээтэлэ (2024 с.).
Наҕараадата: СӨ социальнай өҥөҕө туйгуна.
Алена Егоровна Тихонова улуус баһылыгын уопсай боппуруостарга солбуйааччы дуоһунаһыгар ананна. СӨ федеральнай уонна судаарыстыбаннай былаас уорганнарыгар 20 сыл үлэлээбит уопуттаах исписэлиис.
Амма улууһун Амма с. төрүттээх. 2000 с. М.К. Аммосов аатынан судаарыстыбаннай университеты бүтэрэн, «юриспруденция» идэтин ылбыта.
Арассыыйа Ыксаллаах быһыы-майгы министиэристибэтин Академиятыгар эбии бэлэмнэнии (2021 с.), РАН и ГС (2024 с.) үөрэҕин ааспыта.
Үлэ уопута: СӨ Федеральнай казначействотын управлениетыгар юриһынан, СӨ Арбитражнай суутугар судьуйа көмөлөһөөччүтүнэн, Суут Департаменын СӨ управлениетын суут үлэтин тэрийии уонна каадырга үлэ отделын начаалынньыгын солбуйааччынан, СӨ култуураҕа уонна духуобунас сайдыытын Министиэристибэтин тэрийэр-правовой үлэтин уонна каадыры салайыы кылаабынай исписэлииһинэн үлэлээбитэ.
Уопсастыбаннай үлэтэ: “Култуура волонтердара” волонтердар хамсааһыннарын эрэгийиэннээҕи салаатын тэрийээччитэ.
Наҕараадалара: СӨ судаарыстыбаннай сулууспатын туйгуна, СӨ култууратын туйгуна.
Улуус баһылыгын көмөлөһөөччүтүнэн Елена Николаевна Столярчик ананна.
Өймөкөөн улууһун Төрүт нэһилиэгиттэн төрүттээх. М.К. Аммосов аатынан Хотугулуу-Илиҥҥи федеральнай университеты 2023 сыллаахха бүтэрэн, “политология” идэтин баһылаабыта.
ХИФУ инфраструктурнай технологияларын кэллиэһигэр эбии бэлэмнэниини ааһан, «Программист» идэҕэ таһымын үрдэппитэ (2023 с.).
Үлэ уопута: «Өймөкөөн улууһа» МТ дьаһалтатын ыччат бэлиитикэтигэр кылаабынай исписэлииһинэн үлэлээбитэ. 3-с кылаастаах муниципальнай сулууспа референа чыыннаах.
Уопсастыбаннай үлэтэ: Устудьуоннуу сылдьан, Өймөкөөн улууһун землячествотын актыыбыгар сылдьыбыта. 2024 с. Сочига ыччаттар аан дойдутааҕы бэстибээллэрин кыттыылааҕа.
Улуус дьаһалтатын экэниэмикэҕэ уонна борогунуостааһыҥҥа управлениетын начаалынньыгынан Ирина Юрьевна Никитина ананна.
Үлэ уопута: Пермь куораттан төрүттээх. 1983 сылтан Уус-Ньараҕа олорор. 2015 сыллаахха Санкт-Петербургдааҕы салайыы уонна экэниэмикэ институтун бүтэрбитэ. Өймөкөөн улууһун киин балыыһатын экэниэмикэҕэ боппуруостарыгар кылаабынай бырааһы солбуйааччы. Ол иннинэ — “Уус Ньара бөһүөлэгэ” МТ судаарыстыбаннай баайын-дуолун көрүү кылаабынай исписэлииһэ.
Улуус дьаһалтатын «Инфраструктура сайдыытын уонна тэрээһин-правовой өйөбүл сулууспатын» МБУ салайааччытынан Михаил Семенович Бурцев ананна.
Уус Алдан улууһун Бороҕон сэлиэнньэтиттэн төрүттээх. 2000 с. М.К. Аммосов аатынан судаарыстыбаннай университеты бүтэрэн, «тутааччы-инженер» идэтин ылбыта.
“СӨ Бэрэсидьиэнин иһинэн салайар институт” судаарыстыбаннай бюджетнай эбии үөрэхтээһин тэрилтэтигэр “Судаарыстыбаннай уонна муниципальнай салайыы” үөрэҕэр эбии үөрэхтээһини ааһан, идэтин таһымын үрдэппитэ (2012 г.).
Үлэ уопута: Тутуу салаатыгар 24 сыл үлэлээбитэ, ол иһигэр — 20 сыл СӨ муниципальнай сулууспатыгар. Прорабынан, учаастак салайааччытынан, “СӨ Ыччакка үлэ биржата” ГУП материальнай-техническэй хааччыйыы отделын начаалынньыгынан, хапытаалынай тутуу уонна архитектура департаменын кылаабынай исписэлииһинэн, улуус кылаабынай архитекторынан, хапытаалынай тутуу уонна архитектура управлениетын салайааччытынан, СӨ Уус Алдан улууһун инфраструктура уонна олоҕу хааччыйыы управлениетын начаалынньыгынан үлэлээбитэ.
2001 сыллаахха Ленскэй куораты халаантан чөлүгэр түһэрии өрөспүүбүлүкэтээҕи анал бөлөҕөр үлэлээбитэ. 2009 с. Олоҥхо ыһыаҕын уонна 2022 с. СӨ норуоттарын VIII Спортивнай оонньууларын улахан тэрээһиннэрин тэрийэр кэмитиэтин тутууга уонна инфраструктураны сайыннарыыга Уус Алдан улууһун анал хамыыһыйатын салайбыта.
Наҕараадалара: СӨ Үтүөлээх тутааччыта, СӨ Бочуоттаах тутааччыта, СӨ үөрэҕириитин туйгуна.
Өймөкөөн улууһунааҕы Үөрэх управлениетын начаалынньыгынан Константин Иванович Тимофеев ананна.
Дьокуускай к. төрүттээх. М.К. Аммосов аатынан Хотугулуу-Илиҥҥи федеральнай университет история салаатын 2012 сыллаахха бүтэрэн, “политология” идэтин баһылаабыта. 21720 б/ч сулууспалаабыта. Гвардия ыстаарсай сержана.
СӨ Аҕа баһылыгын иһинэн инновационнай менеджмент Судаарыстыбаннай автономнай тэрилтэ “Үөрэхтээһиҥҥэ салайыы” уонна “Уопсастыбаннай сэбиэттэр үлэлэрин сүрүннээһин” үрдүк үөрэх хайысхаларыгар, Дьокуускай куораттааҕы Үөрэх управлениетын «Каадыр резервэтин оскуолатыгар», кэлэр көлүөнэ тус сыаллаах пуондатын “Кэлэр көлүөнэни үөрэхтээһин” түргэтитиллибит бырагырааманан идэтин таһымын үрдэппитэ.
Үлэ уопута: Үөрэҕирии салаатыгар уонна оҕону иитиигэ 13 сылы анаабыт уопуттаах исписэлиис: Дьокуускай куорат Ф.К. Попов аатынан 20 №-дээх орто оскуолатыгар история уонна обществознание учууталынан үлэлээбитэ, 26 №-дээх оскуолаҕа дириэктэри үөрэх салаатыгар солбуйааччыта, Дьокуускай к. «Городской патруль» эбии үөрэхтээһин патриотическай кулуубун салайааччыта, Маҕан бөһүөлэгин орто оскуолатыгар иитэр-үөрэтэр үлэҕэ дириэктэри солбуйааччы, Ф.К. Попов аатынан 20 №-дээх орто оскуолатын дириэктэри куттал суох буолуутугар солбуйааччы, «Чолбон» Оҕо спортивнай оскуолатын хаһаайыстыбаннай отделын салайааччыта.
Наҕараадалара: «За вклад в развитие РС (Я)» Ил Дархан Махтал суруга; СӨ Ыччат бэлиитикэтин туйгуна; «За вклад в развитие образования на территории городского округа «Город Якутск», «За вклад в развитие молодежной политики ГО «Город Якутск» бэлиэлэр, «За вклад в развитие системы образования ГО «Город Якутск» Бочуот кырааматата; Үөрэхтээһини сайыннарыыга уонна ыччаты иитиигэ кылаатын иһин Ф.К. Попов аатынан «Сердце патриота» Бочуоттаах бэлиэ.
Уопсастыбаннай үлэтэ: Дьокуускай куорат дьокутааттарын Дууматын Ыччат палататын салайааччыта (2021-2023 сс.); Эдэр учууталлар Дьокуускай куораттааҕы Сүрүннүүр сэбиэттэрин салайааччыта (2020 с. — билиҥҥэ диэри). СӨ Норуоттарын ассамблеяларын чилиэнэ.
Өймөкөөн оройуонун пресс-сулууспата