Өймөкөөн улууһун дьаһалтата ааспыт сыллааҕы үлэтин отчуоттуоҕа

“Өймөкөөн улууһа” МО дьаһалтатын баһылыгын А.С. Оконешников 2025 с. тохсунньу 22 күнүнээҕи 24 №-дээх дьаһалынан 2024 сыллааҕы үлэни нэһилиэнньэҕэ отчуоттааһын тохсунньу 24-30 күннэригэр ыытыллар.

Ол курдук, отчуоттуур бөлөх тохсунньу 24 күнүгэр Аартык бөһүөлэгэр үлэлээтэ. Онтон улуус баһылыга Александр Оконешников салайааччылаах бөлөх тохсунньу 27 күнүгэр киэһэ 17.00 чаастан Уус-Ньара нэһилиэнньэтигэр отчуоттуоҕа. Төрүт нэһилиэгэр салайааччылар тохсунньу 28 күнүгэр, оптуорунньукка, тиийиэхтэрэ.

Онтон отчуоттуур бөлөх Өймөкөөн куустатыгар үлэтин тохсунньу 28 күнүгэр Үчүгэй нэһилиэгиттэн саҕалыаҕа. Ол кэнниттэн кинилэр сарсыҥҥы күнүгэр Сордоҥноох нэһилиэгэр тиийиэхтэрэ. Бу кэннэ улуус дьаһалтатын сыллааҕы үлэтин туһунан отчуоту “Өймөкөөн Тымныы Оройо” МТ тохсунньу 29 күнүгэр оҥоруохтара. Түмүктүүр мунньах кууста киин уһаайбатыгар Томторго тохсунньу 30 күнүгэр буолуоҕа.

“Өймөкөөн улууһа” муниципальнай оройуон 2024 с. үлэтин отчуотун ыытар оробуочай бөлөх састааба:

  1. Оконешников А.С. – “Өймөкөөн улууһа” МО баһылыга;
  2. Федотов А.В. — “Өймөкөөн улууһа” МО баһылыгын солб.;
  3. Аммосова П.Е. — “Өймөкөөн улууһа” МО баһылыгын социальнай боппуруостарга солб;
  4. Тихонова А.Е. — “Өймөкөөн улууһа” МО баһылыгын уопсай боппуруостарга солб.;
  5. Березкин П.С. – улуус хапытаалынай тутуутун уонна суол хаһаайыстыбатын салаатын начаалынньыга;
  6. Борисова А.Т. – улуус инфраструктуратын уонна тэрийэр быраабы хааччыйыы сулууспатын салайааччытын э.т.;
  7. Галузо А.И. – улуустааҕы “Севернай заря”-“Хотугу сардаҥа” хаһыаттар эрэдээксийэлэрин кылаабынай эрэдээктэрэ;
  8. Кондаков В.Ю. – Өймөкөөннөөҕү экологияны кэтээн көрөр судаарыстыбаннай инспекциятын салайааччыта;
  9. Краснов А.А. – Өймөкөөн улууһунааҕы ИДьО начаалынньыга;
  10. Кривошапкин Е.А. – улуустааҕы дьаһалта муниципальнай баайын-дуолун салаатын начаалынньыгын солб.;
  11. Никитина И.Ю. – улуус дьаһалтатын экэниэмиэкэҕэ уонна борогунустааһыҥҥа управлениетын начаалынньыга;
  12. Павлова Н.А. – Өймөкөөн улууһугар нэһилиэнньэ социальнай көмүскэллээх уонна үлэлээх буолууну дьаһайар салаа начаалынньыгын э.т.;
  13. Сивцева А.С. – Култуура уонна туризм сайдыытын управлениетын начаалынньыга;
  14. Старкова А.А. – Роспотребнадзор улуустааҕы салаатын начаалынньыга;
  15. Столярчик Е.Н. — “Өймөкөөн улууһа” МО баһылыгын көмөлөһөөччүтэ;
  16. Тимофеев К.И. – улуустааҕы Үөрэх управлениетын начаалынньыга;
  17. Ядреева М.В. – Өймөкөөн улууһунааҕы Киин балыыһа кылаабынай бырааһын солб.;
  18. Яковлева И.С. – улуустааҕы Тыа хаһаайыстыба управлениетын кылаабынай экэнэмииһэ;
  19. Ямщиков М.А. – “Теплоэнергосервис” ААУо Өймөкөөннөөҕү филиалын дириэктэрин э.т.
  20. МФЦ үлэһиттэрэ (сөбүлэһиинэн).

Биһиги корр.

Читайте дальше