«ТЕПЛОЭНЕРГОСЕРВИС» ХЭУо Өймөкөөн улууһунааҕы филиалын салайааччыта Максим Ямщиков соторутааҕыта иһитиннэрбитинэн, СӨ Тырааныспар уонна суол хаһаайыстыбатын, СӨ автомобильнай суол Управлениетын, «Сахаэнерго» АО, Өймөкөөн оройуонун дьаһалтата бииргэ үлэлээһиннэрин түмүгэр, Сунтаар үрэххэ кыһыҥҥы объездной суол оҥоһулунна.
Бу суол Томпо улууһун Дьабарыкы хайа разреһыттан Өймөкөөн тыатын сиригэр таас чоҕу тиэрдэргэ табыгастаах буолуоҕа.
Онон таас чоҕу тиэйии үлэтэ номнуо саҕаланан, сотору кэмҥэ 3 тыһыынча тонна оттук тиэйиллэн кэлэрэ былааннанар.
х х х
ААСПЫТ нэдиэлэҕэ Томтор нэһилиэгин олохтоохторо «Хотугу сардаҥа» батсаап бөлөҕөр нэһилиэк хочуолунайыгар иккис хочуол алдьанан, дьиэлэр биллэ тымныйдылар, диэн суруйбуттара. «Таһырдьа да балачча тымныы. Төһө өрөмүөн барбыта чуолкайа дьэ быһаарыллыан сөп итинник балаһыанньаҕа. Теплоэнергосервис тэрилтэ салалтатын өттүттэн туох дьаһал ылылларый, көмө оҥоһулларый» диэн туоһуласпыттара.
-Томтор нэһилиэгэр МКУ-12 хочуолу өрөмүөннүүр үлэтэ бүтэһик кэрдииһигэр таҕыста. «Теплоэнергосервис» Өймөкөөн улууһунааҕы филиалын салайааччыта Максим Ямщиков манна кэлэн, сөргүтэр-өрөмүөннүүр үлэ кини тус хонтуруолунан бара турар, — диэн тутатына хоруйдаабыта онуоха Саргылаана Можукова, оройуон дьаһалтатын социальнай боппуруостарга солбуйааччыта.
Биһиги корр.