Өймөкөөн талааннаах оҕолорун түһүлгэтигэр

Томтор нэһилиэгэр “Тымныы полюһугар айан” кыһыҥҥы туризм бэстибээлин чэрчитинэн “Дьүкээбил уоттара-2024” диэн улуустааҕы оҕо айар дьоҕурун көрдөрөр, киэҥ араҥаҕа таһаарар улуустааҕы куонкурус ыытылынна. Айар куонкурус РФ Дьиэ кэргэн уонна СӨ Оҕо саас сылыгар ананна.

Улуустааҕы айар куонкурус тэрийээччилэрэ – В.П. Кривошапкин аатынан Томтордооҕу Оҕо ускуустубатын кэлэктиибэ.

Тымныы полюһун талааннаах оҕолоро саастарынан арахсан ырыаҕа, үҥкүүгэ, фольклорга, уруһуйга, уһаныыга күрэстэстилэр. Маны тэҥэ куонкурус түмүгүнэн бастыҥ салайааччылар быһаарылыннылар.

“Вокал” номинацияҕа лауреаттар уонна дипломаннар:

Аччыгый бөлөххө:

— 1-кы истиэпэннээх лауреат Витя Захаров (Өймөкөөн, 8 саастаах);

— 1-кы истиэпэннээх дипломаннар Аливия Винокурова, Айсен Аммосов, Айнара Вензель триолара (Сордоҥноох, 8 саастаахтар); );

— 2-с истиэпэннээх дипломаннар Айыллаана Атласова, Николина Корякина (Өймөкөөн, 8 саастаахтар).

Орто бөлөххө:

— 1-кы истиэпэннээх лауреат Давид Меркулов (Томтор, 11 саастаах);

— 2-с истиэпэннээх лауреаттар Найаана, Николина, Нарыйаана Корякиналар (Өймөкөөн, 8, 11, 13 саастаахтар);

— 3-с истиэпэннээх лауреаттар Александр, Арсений, Давид Меркуловтар (Томтор, 7, 9, 11 саастаахтар);

— 1-кы истиэпэннээх дипломант Арина Андросова (Томтор, 11 саастаах);

— 2-с истиэпэннээх дипломант Эльвира Егорова (Сордоҥноох, 12 саастаах);

— 3-с истиэпэннээх дипломаннар Нарыйаана Корякина, Алгыстаана Попова дуэттара (Өймөкөөн, 11, 14 саастаахтар).

Улахан бөлөххө:

— 1-кы истиэпэннээх лауреат “Мичийэ” квартет (Өймөкөөн);

— 2-с истиэпэннээх лауреат “Үөрүү” квинтет (Томтор);

— 3-с истиэпэннээх лауреат Алена Ксенофонтова (Томтор);

— 1-кы истиэпэннээх дипломант Самаана Винокурова (Үчүгэй);

— 2-с истиэпэннээх дипломант кыргыттар вокальнай бөлөхтөрө (Үчүгэй);

— 3-с истиэпэннээх дипломант Айсан Громов (Өймөкөөн).

“Хореография” номинацияҕа лауреаттар уонна дипломаннар:

Аччыгый бөлөххө Томтордооҕу Оҕо ускуустубатын “Һэйм” ансаамбыл үҥкүүһүттэрэ үс бириистээх миэстэҕэ тигистилэр.

Оттон орто бөлөххө Уус-Ньараттан “Золотинка” үҥкүү бөлөҕө 1-кы уонна 2-с истиэпнээх лауреат аатын ылары ситистэ.

Улахан бөлөххө ордук элбэх оҕо үҥкүүлээтэ.

Манна “Һэйм” ансаамбыл 1-кы истиэпэннээх лауреат аатын ылбытын таһынан, ансаамбыл бастакы салайааччыта Валентина Ипатьевна Баишева аатынан диплом уонна кубок хаһаайынынан буолла.

Ити курдук Томтор, Сордоҥноох, Өймөкөөн, Үчүгэй нэһилиэктэрин, Биэрэк-Үрдэ учаастак үҥкүүһүттэрэ көрөөччүгэ үҥкүү кэрэ бырааһынньыгын бэлэхтээтилэр.

“Уран тыл” номинацияҕа Үчүгэй нэһилиэгин оҕолоро күннээтилэр:

— Федор Прокопьев 1-кы истиэпэннээх лауреат;

— Дмитрий Трофимов 1-кы истиэпэннээх дипломант аатын сүктүлэр.

“Фольклор” номинацияҕа Томтортон “Мичээр” ансаамбыл хомуска, “Дуолан” бөлөх күпсүүргэ 1-кы истиэпэннээх лауреат буоллулар.

Өймөкөөн нэһилиэгиттэн “Айылгы” фольклорнай ансаамбыл 1-кы истиэпэннээх лауреат, оттон “Үчүгэй саҕахтара” уолаттар ансаамбыллара 1-кы истиэпэннээх дипломант, Үчүгэйтэн Ия Слепцова тойуктаан, 2-с истиэпэннээх дипломант буоллулар.

Бу көрүҥҥэ Гран-при хаһаайынынан хомуска сахалыы матыыптары толорон, кыргыттар “Айылгы” фольклорнай квартеттара буолан, 20 тыһ. солк. бириистэннилэр.

Декоративнай-прикладной ускуустуба номинациятыгар Алексей Андросов, Богдан Березкин, Олег Сивцев, Ульяна Шкулева, Алина Слепцова (бары томтордор) дипломнарынан, бириистэринэн наҕараадаланнылар.

Оттон “Бастыҥ салайааччы” аатын “Айылгы” ансаамбыл (Өймөкөөн) салайааччыта Сардаана Уйгун Сивцева ылла.

“Золотинка”” ансаамбыл (Уус-Ньара) салайааччыта Нарияна Неустроева, “Һэйм” бөлөҕү (Томтор) салайар Диана Винокурова, “Мичээр” фольклорнай бөлөх (Томтор) салайааччыта Аэлита Аммосова, Өймөкөөн нэһилиэгин ырыаһыттарын үөрэтэр Аксинья Гермогенова дипломнарынан уонна бириистэринэн наҕараадаланнылар.

Тэрийэр кэмитиэт улуус таһымнаах тэрээһиҥҥэ спонсордаабыт дьону-сэргэни ааттыыры наадалааҕынан аахта уонна кинилэргэ улахан махталын тириэрдэр: Н.Н. Протопопов, А.Н. Винокуров, С.Н. Сидорова, И.С. Прудецкая, И.И. Готовцев, Р.И. Готовцева, Л.А. Скрыбыкина, Е.Г. уонна А.В. Харитоновтар.

Кэрэ эйгэтэ үүнэр көлүөнэ ыччаты сырдыкка, үтүөҕэ кынаттыыр күүһэ сүҥкэн. Оҕо айар дьоҕурун сайыннаран, кэнэҕэскитин дойдутугар туһалаах, киһи киэнэ мааныта буолан үүнэригэр төһүү көмөнөн буолара саарбахтаммат.

Любовь Кривошапкина

Читайте дальше