Өймөкөөн улууһунааҕы кииннэммит библиотечнай систиэмэ комплектование салаатын сэбиэдиссэйэ Надежда Литвинцева төрөөбүт дойдутун устуоруйатын интэриэһиргиир, үүнэр көлүөнэ ыччакка нэһилиэстибэ быһыытынан хаалларарга бары күүһүн-уоҕун уурар.
Ол курдук бу күннэргэ Надежда Валерьевна уочараттаах кинигэтэ бэчээттэнэн таҕыста. Бу иннинэ кини 11 кинигэни бэчээккэ бэлэмнээн таһаарбыта.
“Оленеводы Оймяконья” диэн кинигэ ХИФУ издательскай дьиэтигэр бэчээттэннэ. Кинигэҕэ Өймөкөөн улууһугар тыа хаһаайыстыбатын, чуолаан таба иитиитин салаата сайдарын туһугар тугунан да сыаналаммат кылааттарын киллэрсибит табаһыттар олохторун-дьаһахтарын уонна үлэлэрин-хамнастарын туһунан сибидиэнньэлэр түмүллэн киирдилэр. Маны тэҥэ бу таһаарыыга олохтоох эбээннэр төрдүлэрин-уустарын туһунан сырдатыллар.
Н.В. Литвинцева матырыйаал хомуйуутугар күүс-көмө буолбут Ашеина Елизавета Прокопьевнаҕа уонна үбүлээһин өттүнэн өйөөбүт 2-с Бороҕон нэһилиэгин баһылыгар Алексей Винокуровка барҕа махталын тириэрдэр.
Улуус бибилэтиэкэрдэрэ Надежда Литвинцева Агния Арсентьевна Сивцевалыын хомуйан оҥорбут “Оленеводы Оймяконья” диэн кинигэлэрэ ааҕааччы киэҥ араҥатыгар ананар.
Любовь Кривошапкина