Улууска оттооһун былаана 3660 тоннанан быһыллыбыта биллэр.
Улуустааҕы Тыа хаһаайыстыбатын управлениетын исписэлииһэ Евдоким Кондаков биэрбит чахчытынан, улуус отчуттара атырдьах ыйын 12 күнүнээҕи туругунан барыта 882 тонна оту (24,1%) кэбистилэр.
Ол иһигэр 2-с Бороҕон нэһилиэгэр отчуттар 396 тонна (32,2%) оту бэлэмнээтилэр. Үчүгэй нэһилиэгэр отчуоттуур кэмҥэ 16 тонна (4,3%) кэбиһии турда. Өймөкөөннөр 314,5 тоннаны (28,6%) кэбистилэр. Сордоҥноох нэһилиэгэр тыа хаһаайыстыбатын бородууксуйатын оҥорон таһаарааччылар холбоон 126,5 тонна (21,1%) оттоннулар. Оттон Төрүт нэһилиэгэр отчуттар билиҥҥитэ 29 тонна (8,7%) оттоохтор. Улууска билигин күн-дьыл көнүөх курдук, онон олохтоохтор төһө кыалларынан элбэх күөх маассаны бэлэмнииргэ сыралаһан үлэлии-хамсыы сылдьаллар.
Любовь Кривошапкина