Улуус бэйэ бородууксуйатын оҥорон таһаарааччылара оттуур сирдэригэр тиийэн, от үүммүт сирин охсон саҕалаатылар, субууну субурутан, хас эмэ бугулу туруордулар.
Сордоҥноох нэһилиэгэр быйылгы от былаана 600 тонна буоларын туһунан исписэлиис Лидия Аммосова иһитиннэрдэ. Манна билиҥҥитэ 71 киһи оттуу таҕыста. Ол иһигэр алта бааһынай хаһаайыстыбата. Орто-Балаҕан нэһилиэгэр олохтоохтор 184 ынах сүөһүнү иитэллэр, онтон 63-һэ ыанар ынах. Сылгы ахсаана 700-чэкэ, ол иһигэр биэтэ 350.
Сордоҥнооххо «Быйаҥ» үлэ лааҕырын оҕолоро уонна Михаил Винокуров оҕолорунаан
«Сайылык» уонна «Оттоох», Сордоҥноох нэһилиэгэр
Үчүгэй нэһилиэгин дьаһалтатын тыа хаһаайыстыбатын исписэлииһэ Иван Карпов биэрбит чахчытынан, нэһилиэккэ бааһынай хаһаайыстыбалаах дьон 71 ынах сүөһүнү, чааһынайдар 40 ынаҕы туталлар. Манна сылгы ахсаана тустааҕынан 388 уонна 123 төбө.
Нэһилиэк отчуттарын быйылгы дьыллааҕы оттооһуҥҥа сорудахтара 370 тонна. Бу нэһилиэккэ 31 чааһынай хаһаайыстыбаны кытта 5 фермер тыа хаһаайыстыбатын бородууксуйатын оҥорон таһаарыынан дьарыктаналлар.
Санатан этэххэ, улуус үрдүнэн отчуттар бу сезоҥҥа 3660 тонна оту кэбиһэн хаһааныахтаахтар.
Бу туһунан сиһилии “Хотугу сардаҥа” хаһыакка ааҕыҥ.
Любовь Кривошапкина