Санатан эттэххэ, бу дьыл олунньутугар Томтор сэлиэнньэтигэр “Дойдум дьоно” диэн Н.М. Заболоцкай-Чысхаан аатынан кыраайы үөрэтэр түмэл (сал. Айталина Иванова) саҥа бырайыага сүрэхтэммитэ.
“Дойдум дьоно” бырайыак бастакы ыалдьытынан СӨ култууратын үтүөлээх үлэһитэ Роза Ивановна Готовцева буолбута. Оттон соторутааҕыта бырайыак иитинэн Индигирдээҕи продснабка үлэлээбит дьон-сэргэ мустан, ахтыы кэрэ киэһэтин тэрийдилэр.
Дьоро киэһэ кыттыылаахтара үлэлээбит сылларын туһунан истиҥник сэһэргэстилэр, уран тарбахтаах далбар хотуттар быыстапкалара тэлгэннэ, урукку сыллары ахтыһан видеонан ролик көрөн дуоһуйдулар, эдэр саастарыгар төннөн ыллылар.
Бу туһунан сиһилии “Хотугу сардаҥа” хаһыакка ааҕыҥ.
Любовь Кривошапкина