Россия президенэ Владимир Путин дойдуга биллэрбит Дьиэ кэргэн сылын арыйар тэрээһиннэр Саха сиригэр тохсунньу 24 — олунньу 4 күннэригэр ыытыллыахтара. Ол туһунан үлэ министиэристибэтигэр эттилэр.
Миниистир Елена Волкова эппитинэн, дьиэ кэргэн сыаннастарын өрө тутууга элбэх маассабай тэрээһиннэр барыахтара. Ол эбэтэр дьиэ кэргэн форумнара, съезд, сүлүөттэр, пресс-конференциялар, биллэр-көстөр дьиэ кэргэттэри, династиялар бэрэстэбиитэллэрин кытта көрсүһүүлэр, дьиэ кэргэн волонтерствота, дьиэ кэргэнинэн айар киэһэлэр.
Кини өрөспүүбүлүкэтээҕи «Семья года», «Отец года», «Аҕа курэҕэ» куонкурустарга уонна Россиятааҕы «Всей семьей» бырайыакка болҕомтону уурары эттэ.
Хаартыска: ЯСИА