Быйыл Өймөкөөн улууһугар буолар быыбардар тустарынан

Өссө төгүл санаттахха, 2024 сылга Өймөкөөн оройуонугар маннык быыбардар буолаллара былааннанар:

  1. Халыма -Индигирдээҕи биир мандааттаах 34 №-дээх быыбардыыр уокурукка Ил Түмэн сэттис ыҥырыытыгар норуот дьокутаатын эбии быыбардааһын;
  2. «Өймөкөөн улууһа» муниципальнай оройуон баһылыгын быыбара;
  3. «Өймөкөөн улууһа» муниципальнай оройуон Сэбиэтин дьокутааттарын эбии быыбара;
  4. «Уус-Ньара бөһүөлэгэ» куораттааҕы поселение (ГП) баһылыгын болдьох иннинээҕи быыбара;
  5. «2-с Бороҕон нэһилиэгэ» муниципальнай тэриллии дьаһалтатын дьокутааттарын бэһис ыҥырыытыгар Сэбиэтин эбии быыбара.

Санатан эттэххэ, 34 №-дээх Халыма-Индигирдээҕи биир мандааттаах быыбардыыр уокурукка Саха сирин 5 оройуонун территорията киирэр: Абый, Үөһээ Дьааҥы, Муома, Өймөкөөн уонна Орто Халыма.

Халыма-Индигирдээҕи уокурук быыбар хамыыһыйатын боломуочуйата Абыйдааҕы территориальнай быыбардыыр хамыыһыйатыгар (бэрэссэдээтэл Новикова Е.П.) сүктэриллибитэ.

Оттон 2024 сыллааҕы улууска ыытыллар муниципальнай быыбардары тэрийэн ыытыыга эппиэттээҕинэн Өймөкөөннөөҕү территориальнай быыбардыыр хамыыһыйа буолар, бэрэссэдээтэл С.О. Данилевич.

Үөһээ ааттаммыт быыбардар былаан быһыытынан Саха Сиригэр быыбардыыр биир кэлим күн — балаҕан ыйын 8 күнүгэр – буолуохтара.

Ирина ПЕТРОВА

 

 

Читайте дальше