Өймөкөөн улууһунааҕы территориальнай быыбардыыр хамыыһыйа бэрэссэдээтэлин солб. Инга Зеленкова иһитиннэрбитинэн, улууска былаан быһыытынан болдьох иннинэ быыбарга 300 кэриҥэ быыбардааччы хабыллыаҕа.
Өймөкөөн сиригэр-уотугар ыраах сытар учаастактарга быыбардыыр хамыыһыйалар чилиэннэрэ сиринэн, уунан, салгын тырааныспарынан айаннаан сырыттылар. Үлэ бу көрүҥэ атырдьах ыйын 20 күнүттэн саҕаламмыта. Бу кэм устата таба ыстаадаларыгар табаһыттар, чуум үлэһиттэрэ, көмүһү хостооһунунан дьарыктанар дьон о.д.а. талбыт хандьыдааттарыгар бэйэлэрин куоластарын биэрдилэр.
Любовь Кривошапкина