Ыам ыйын 26 күнүгэр дойду үрдүнэн «Биир ньыгыл Арассыыйа» политическай партия 2024 сыл быыбардарын иннинээҕи кандидаттары талыыга барыллаан куоластааһына түмүктэннэ.
Праймериз Саха сиригэр үрдүк тэрээһиннээхтик ыытыллыбытын туһунан «Биир ньыгыл Россия» партия СР салаатын салайааччыта Сулустаан Заболоцкай бэлиэтээтэ.
Ил Түмэн быйылгы быыбарыгар Халыма-Индигирдээҕи 34 №-дээх уокурукка кандидаттары талыы барыллаан куоластааһыныгар кыайыылааҕынан Евгений Слепцов таҕыста.
— СЛЕПЦОВ Евгений Михайлович тэрээһиҥҥэ кыттыбыт дьон 1632 куолаһын хомуйда. Санатар буоллахха, кини “Полярные авиалинии” АО оттугунан, материальнай техническэй уонна автотранспортнай хааччыллыыга дириэктэринэн үлэлиир.
Е.М. Слепцову кытта барыллаан куоластааһыҥҥа киирсибит икки кандидаттар көрдөрүүлэрэ маннык: М.А. Каздобин — 1135 куолас, С.Н. Семенов — 173 куолас.
Онон быйыл күһүн ыытыллар Ил Түмэн быыбарыгар Халыма-Индигирдээҕи 34 №-дээх уокуруктан “Биир ньыгыл Арассыыйа” партия аатыттан праймериз кыайыылааҕа Евгений Слепцов кыттыаҕа.
Быыбар б.дь. балаҕан ыйын 8 күнүгэр буолуоҕа.
Ирина ПЕТРОВА