СӨ Баһылыгын Айсен Николаев олунньу 5 күнүнээҕи 198 №-дээх «Саха Өрөспүүбүлүкэтин судаарыстыбаннай наҕараадаларынан наҕараадалыыр туһунан» Ыйааҕар олоҕуран, наука, доруобуйа харыстабылын, өрөспүүбүлүкэ социальнай-экономическай сайдыытыгар кылааттарын уонна өр сыллаах үлэлэрин иһин бочуоттаах ааттар иҥэрилиннилэр:
«САХА ӨРӨСПҮҮБҮЛҮКЭТИН НАУКАТЫН ҮТҮӨЛЭЭХ ДИЭЙЭТЭЛЭ»
-СЛЕПЦОВА Снежана Спиридоновнаҕа, Хотугулуу-илиҥҥи федеральнай государственнай университет Медицинскэй институтун «Инфекционные болезни, фтизиатрия и дерматовенерология» кафедратын сэбиэдиссэйигэр, медицинскэй наука докторыгар.
«САХА ӨРӨСПҮҮБҮЛҮКЭТИН ДОРУОБУЙА ХАРЫСТАБЫЛЫН ҮТҮӨЛЭЭХ ҮЛЭҺИТЭ»
— РОМАНОВА Анна Николаевнаҕа, Саха сирин комплекснай медицинскэй проблемаларыгар киин дириэктэригэр, медицинскэй наука докторыгар.
Бу наҕараадаламмыт учуонайдар Снежана Слепцова уонна Анна Романова – биһиги биир дойдулаахтарбыт, Томтор нэһилиэгиттэн төрүттээхтэр, Н.М. Заболоцкай аатынан Томтор орто оскуолатын выпускниктара.
Кинилэр төрөөбүт дойдуларын Өймөкөөнү ааттата сылдьалларыттан үөрэбит, киэн туттабыт уонна ис сүрэхпититтэн эҕэрдэлиибит.
Ирина ПЕТРОВА бэлэмнээтэ