Бүгүн, Афганистан Демократическай Өрөспүүбүлүкэтиттэн Сэбиэскэй Сойуус сэбилэниилээх күүстэрин таһаарыы күннэригэр, Арассыыйаҕа интернационалист-буойун күнэ бэлиэтэнэр.
Биллэрин курдук, Афганистан сэриитэ 1979 с. саҕаланан баран, 1989 с. түмүктэммитэ.
Биһиги уолаттарбыт бэрт үгүс дьону быһаан, ытык иэстэрин чиэстээхтик толорбуттара. Саха сириттэн бу сэриигэ тыһыынча кэриҥэ буойун кыттыбыта. Олор истэригэр Томтортон Юрий Винокуров уонна Олег Хабаров бааллара.
Саха ыччата өбүгэ саҕаттан патриоттуу өйгө-санааҕа иитиллибит буолан, төрөөбүт дойдуну ханнык даҕаны кэмҥэ көмүскүү, араҥаччылыы сылдьарга бэлэмин күн бүгүҥҥээҥҥэ диэри көрдөрөр, эйэлээх олох туһугар тугу даҕаны кэрэйбэт ураты айылгылаах.
Юрий Винокуров туһунан кыыһа Светлана Белякова, оттон Олег Хабаров олоҕун балта Людмила Касаткина ахтыбыттарын “Хотугу сардаҥа” хаһыат олунньу 14 күнүнээҕи нүөмэригэр ааҕыҥ.
Надежда Литвинцева, Томтор