«Азия оҕолоро» VIII оонньуулар уоттара 36 тыһыынчаттан тахса килэмиэтири айаннаата.
Бэҕэһээ, бэс ыйын 16 күнүгэр, «Азия оҕолоро» VIII оонньуулар уоттарын эстафетата Алдан оройуонугар кэллэ. Бу 33 муниципальнай тэриллии диэн оонньуулар кэмитиэттэрэ иһитиннэрдэ.
Алдаҥҥа факелы биллэр спортсменнар Инна Рыбкина, Иван Поляхов, Анатолий Аксенов, Дмитрий Пьянзин, Людмила Кузнецова, Артем Кручинин, Дарья Блинова, Владислав Завершинскай, Кирилл Гичка, Анастасия Жукова, Кристина Дрозд, Александра Лаврентьева, Виктор Васильев, Валентин Беляков, Людмила Калинчук, Александр Ковальскай, Наталья Стуканева уонна оройуон салайааччыта Александр Шестопалов киин уулуссанан, өйдөбүнньүк миэстэлэринэн кэриттилэр.
Барыта 36 тыһыынчаттан тахса килэмиэтири 425 факел тутааччы эстафеталаата уонна 850 волонтер көрүстэ. Бүгүн Уоту Нам улууһа тутар.