«Азия оҕолоро» VIII норуоттар ардыларынааҕы спорт оонньууларын волонтердара үөрэхтэрэ саҕаланна. Үс түһүмэҕинэн ыытыллыаҕа: теория, функциональнай уонна практика. Ол туһунан регион салалтатын пресс-сулууспата суруйар.
Санаттахха, Дьокуускайга ыытыллар оонньууларга 1900 волонтер көмөлөһүөҕэ. Ил Дархан Айсен Николаев эрдэ иһитиннэрбитинэн, «Азия оҕолоро» бары волонтердарга үчүгэй уопут буолуоҕа уонна атын дойдуттан биир саастыылаахтарын кытта билсэллэригэр, кэпсэтэллэригэр көмөлөһүөҕэ.
Волонтердары үөрэтии бэс ыйын 26 күнүгэр түмүктэниэҕэ. Практиканы «Азия оҕолоро» буолар сирдэригэр ааһаллар. Бэс ыйын 5 күнүттэн «Тим-лидеры» уонна «Аккредитация» хайысхаларынан үлэлэрэ саҕаланыаҕа.
Оонньуулар Дьокуускайга бэс ыйын 25 — от ыйын 7 күннэригэр буолаллар. 3,5 тыһ ыалдьыт кэлэрэ күүтүллэр, ол иһигэр 2,6 тыһ спортсмен.
ЯСИА саайта