Биир дойдулаахпыт, Саха сириттэн анал байыаннай дьайыыга кыттыбыттартан бастакы Арассыыйа Дьоруойа буолбут Александр Колесов соторутааҕыта оҕо сааһа ааспыт сиригэр — Өймөкөөҥҥө сырытта.
Кини Н.О. Кривошапкин аатынан Өймөкөөн орто оскуолатыгар күндү ыалдьытынан буолла. Бу истиҥ-иһирэх, долгутуулаах көрсүһүүгэ оскуола оҕолоро, учууталлар, ону тэҥэ олохтоох дьаһалта салалтата, уопсастыбаннас кыттыыны ыллылар.
Александр Колесов үөрэппит учууталлара уолларыгар эҕэрдэ бастыҥын анаатылар, кылааһын салайааччыта, РФ уопсай үөрэхтээһинин бочуоттаах үлэһитэ, СӨ үөрэҕириитин туйгуна Ирина Федоровна Сивцева кини оҕо сааһын кэмнэрин ахтан иһирэхтик кэпсээн, олус истиҥ көрсүһүү буолла.
Көрсүһүү түмүгэр бары түмсэн үөрэн-көтөн оҕолуун, учууталлыын Арассыыйа Дьоруойун Александр Колесовы кытта өйдөбүнньүк хаартыскаҕа түстүбүт.
Бу туһунан сиһилии “Хотугу сардаҥа” хаһыакка ааҕаарыҥ.
Наяна Корякина, юнкор, Өймөкөөн