Ааспыт нэдиэлэҕэ Өймөкөөн улууһун дьаһалтатыгар анал байыаннай дьайыыга сылдьааччылары уонна кинилэр дьиэ кэргэннэрин өйүүр ыстаап уочараттаах мунньаҕа ыытылынна.
Бэбиэскэҕэ хас даҕаны боппуруос турда. Мунньахха бастатан туран, улуус кииниттэн байыаннай сулууспаҕа сылдьар байыас дьиэ кэргэнигэр аадырыстаах көмөнү оҥоруу боппуруоһун дьүүллэстилэр.
“Уус-Ньара бөһүөлэгэ” МТ дьаһалтатын баһылыгын э.т. Виктория Понамарчук санаппытынан, уоппускаҕа кэлэр байыастарга бөһүөлэк муниципальнай бүддьүөтүттэн 50 тыһ. солк. төлөнөр.
Өймөкөөн уонна Муома улуустарын холбоһуктаах военкоматын байыаннай комиссарын э.т. Александр Пучко ыстаап чилиэннэригэр ыытыллар үлэ туһунан сиһилии сырдатта.
Түмүккэ, бу хайысханан үөскүүр боппуруостар бары оройуон муниципалитетын таһымыгар быһаарыллаллара бэлиэтэннэ.
Юлия ФРОЛОВА
(“СЗ” хаһыаттан Л. Кривошапкина тылбааһа).