Аата ааттана, ырыата ыллана туруоҕа!

Соторутааҕыта Төрүт нэһилиэгэр С.М. Егоров аатынан сельскэй бибилэтиэкэ дьиэтигэр поэт, прозаик, драматург, бөдөҥ общественнай, судаарыстыбаннай диэйэтэл, саха уус-уран литирэтиирэтин төрүттээччилэриттэн биирдэстэрэ П.А. Ойуунускай 130 сааһын бэлиэтээтибит.

 Улуу поэт күннэригэр «Ойуунускайы ааҕабыт» диэн литературнай аахсыйа тэрилиннэ. Төрүт орто оскуолатын үөрэнээччилэрэ бу аахсыйаҕа көхтөөхтүк кытыннылар. Былатыан Ойуунускай оҕолорго аналлаах «Омуннаах оҕо», «Өйдөөх оҕо», «Оҕо куйуурдуу турара», «Тураах туһуута» айымньыларын дорҕоонноохтук, доргуччу аахтылар.  Бу күн өссө «Ойуунускай кэпсээннэрин аахпытыҥ дуо?» диэн литературнай биктэриинэ тэрилиннэ.

Ойуунускай 130 сылыгар аналлаах: «П.А. Ойуунускай. Олох инникитин өтө көрүү» диэн суруйааччы олоҕун сиһилии кэпсиир «Платон Ойуунускай» уонна  «Таатта – Ойуунускай төрөөбүт дойдута» альбом хаартыска быыстапката ааҕааччылар болҕомтолорун тарта. Тэрээһин кыттыылаахтара «Ойуунускай — Саха норуотун улуу уола» диэн төгүрүк остуол тула олорон ирэ-хоро сэһэргэстилэр.

Аҕыйах ахсааннаах саха норуотуттан чаҕылхай талааннаах суруйааччы, бөдөҥ судаарыстыбаннай, общественнай диэйэтэл П.А. Ойуунускай үүнэн тахсыбытыттан киэн туттабыт. Үйэлэр тухары Ойуунускай аата ааттана, ырыата ыллана туруохтун!

Нина Чачуа, бибилэтиэкэр, Төрүт

Читайте дальше